Thih nak chung in a luat mi Haralan Part-2

Cu tlawmpal ah an hawi tongtla pawl nih cun thongtla a si vemi commnunist pawl mingiatu i an hmanmi hna cungah cun an thin a hung tuk i, thongtla ciocio hawi le hlawt riangmang i a thli in a kan thangchiat an ti ithongtla congtu pawl an um lo karah cun an velh (Vuak) ciammam hna i Haralan nih cun tthen a timh len hna i an thinhun tuk caah cun a tthen kho hna lo. Cu hnu tlawmpal ah cun thongtla congtu a bawi deuh pawl an ra i mingiatu i an chiahmi hna cu an mithmai zoh awk tlak loin an thi he an daw he an von hmuh hna tikah thil sining cu an theih thiam dih colh i an thin a hung tuk.

An bawipa nih cun chiat a serh hna i “Phu kan hlam hrimhrim lai” an ti hna. Cuticun a vuatu pawl i an zumh bikmi hna minung hleili cu an thim hmasa hna i thir cincik in an khih hna i puan le angki lum zong aihter loin tiva laicer ah lawng an hrenmi chungah rawl loin zarh hnih chung an chiah hna. A kih tuk ahhin kik le lum tahnak degree zero nak niam a si. Hawhra (vur) sawhsawh nak in a kik deuh tinak a si cu. Tiva ti lawng cu an din khawh i zeihmanh rawl zong an pe duh hna lo. Cuticun a ninga nak thok in mi cu thih hram an i thok cang. Culioah cun thongtla congtu bawipa cu lawngin a va kal i cuti a thi cuahmah mi hna cu a va nihsawh hna i “Nan i cei maw? Nan i cawh maw? Nan i cim maw?” a va ti rih hna. Cu hna pawl dot ah cun Haralan le a hawi le pawl cu an chiah ve hna. Zeihmanh rawl ei awk le ti din awk zong a um lo pinah ih khawh zong a si fawn lo i zeiti tuar awk a ttha lo.

Thli a hung hrang i a kih zual chinchin. Cuticun “Kan thi tal lum deuh seh, hitin cun kan thi colh ko lai cu ta” an ti i an lungdongh tuk buin heh tiah an cawl, an i hlok. Haralan nih cun a pawngkam i a ummi amah nakin a upa deuhmi pa cu “Na tha a dih zau sual lai, tuah ti hlah” tiin a thlauh ko nain a ngai hlei lo i a thaizing ah cun a celh ti lo i Haralan ke hram ah cun lungfim loin a tlu. Haralan nih cun a von domh i tlawmpal ah cun a thi colh. A thih hnu zongah cun thongtla congtu pawl nih cun an zoh duh hna lo i ni zeimaw zat Haralan pawng ah cu pa ruak cu a um. Tuarh lo hnuah khin a hawipa ruak cu thongtla congtu pawl nih an hung lak. Cuticun ni hleili tiang i a thi lomi paoh cu thongah cun an lak tthan hna. Haralan cu Pathian nih a huhphenh caah a luat. Thihnak in voihnih khengte a luat..

Be the first to comment

Leave a Reply

Your email address will not be published.


*