Thawngchim ruang ah hawi dang nakin a tem iing

Holy Bible on wooden table

Haralan nih cun a Bible te cu sau aa chiah kho lai lo ti a theih caah caan ttha a ngeih caan paoh ah a tam khawh chungin Bible bia cu cinken (By-heart) aa zuam.Cun I Peter in aa thok i Efisa ah, I John,Thawng`ha John, Rome, I Korin, II Korin, a dihlak in angan (Dal) 47 aa cinken khawh cang. Cu lio cuahmah ah cun a si khawh chungin thongtla pawl cu Pathian bia cu a cawnpiak pah hna. Cun mingiatu i an chiahmi hna zong nih Pathian bia cu an herh tuk ve ti a theih caah, “An duhning paoh in ka ti ko hna seh” a ti i mingiatu an si ti a thei ko nacun Pathian bia cu a cawnpiak hna. A zumhning bantuk cun a rauh hlan ah Communist pawl nihcun an theih hoi i Haralan cu hawi hleiin an hrem tthan. Zarhkhat chung rawl loin ti lawng an dinter.

Zarhkhat hnu ah cun an chuah tthan ve. Sihmanhselaw a lungthli in, “Bawipa nih a ka pekmi rian cu ka thih tiangin ka ngol hlei lai lo” a ti. Cuticun caan rem a hmuh paoh ahcun Pathian bia cu a cawnpiak ttheu hna. Voikhat cu thong bawipa (Prison Director) nih Haralan cu zarhkhat chung rawl loin an hrem i a chuah tlawmpal ah office ah biahal dingin a von kawh tthan.Thong bawipa nih cun, “Haralan, Zei hi dah na chungah hin a um? Hi ti i hawi hlei i hrem lengmang hi nuam na ti ko maw? A tu hi hawi hlei in voi hleiruk kan in hremnak a si cang” a von ti. Haralan nih cun, “Vate khi awn ti hlah na ti kho in nga zong khi ti ah i lio ti hlah nan ti kho lai lo. Zeicatiah an phungning hrimhrim a si ruang ah a si.

ka nunnak dihlak hi, midang tampi, Jesuh sinah ka phakpi khawh nakding ah, Pathian sinah ka pek cang. Zeiti paoh in ka ti hmanh u law Bawipa nih a ka fialmi cu tuah loin ka um kho lo. Pulpit ka dir tawnnak hmunn in nan ka tthial i hi ka hin nan ka chiah caah ka rian cu hi ka hin ka `uan a herh” a ti. Cu ruangah cun thong bawipa cu a thin a hung tuk hoi, zeiti umawk a hngal lo, a cekne tiangin a runh i,“A ran khawh chungin hremnak khaan (punishment cella) ah khan van chia tthan u! a mui hmuh zong ka duh ti lo” a ti. Cuticun a tu chuak na lakah cun amah bon ah cun an chiah tthan.

Be the first to comment

Leave a Reply

Your email address will not be published.


*