Socrates tuanbia Part-2

Socrates cu zingkate in a tho tawn i, Atheni khuapi chung ah a leng vak tawn. Thal io le khuasik lio zongah angkileng lum ai aih bal loh. Keden denh loin khualak ah a kal tawn. Hiti hon zoh ahhin misifak le mirum a si lo tiah theih khawh colh a si. Sifak bantukin ai umtermi si loin mi sifak hrim hrim a si. A rian nganbik (mission) cu mi thin lung le khuaruah nak a theihngalhkhawh tuk hna ruang ah midang ah khua ruah a har. Miral tha le tuarnak zong a ing kho tak tak fawn. Antiphon nih Socrates tuar ning bantuk in sal (Slave) hmanh zong khi sifahnak pe usihlaw an zam diam ko lai tiah an rak ti.

Socrates nih Atheni khuapi a chuak tak bal lo. Khualei le dawrpi hmun hna, zoh nuam an umnak hmun hna ah a va kal tawn. Mah hmun ahhin bia a chim i bia sawng a va tlorhpi tawn hna. Mirum le sifak a thlei dang lo i, mizapi nih a biahalnak a tuahmi cu dikte in leh an i zuam tawn.

Khua chung hruaitu hna sinah ai teltum tuk loh. Ai tel caan zongah hin biak dik cu a tanh i ralthate in a dirpi tawn. Minih an ruahning a si lo ti’n ral chia in bia a chim bal lo. Voikhat cu hruaitu si ding in an thim ve. Mah hi hruai tu hna cu Atheni ralkap hruai tu hna cung ah nawl a ngei tu an si hna. Judah mi za pi nih hruai tu Pailot an nor chih bantuk khan Atheni mizapi nih biatak te in hruai tu hna cu an nor chih hna.

Socrates nihcun minung thlarau hi a thi kho lo ti’n a cohlan bak i, cu ruangah thih zong hi a tih lo tiah an ruah. Atheni mi hna nih hin an pi lepu thawkin Pathian tampi an rak ngei. Cu hna cu Socrates nih a zum ve lo. Thih hnu nunnak a zumh ning ahohmanh an um lo. Socrates zumhning he ai neihniambik cu Khrihfa biaknak hi a si lai tiah zumh a si.

Be the first to comment

Leave a Reply

Your email address will not be published.


*