Pathian theilo mi hna nih nunnak an neih ning Part-2

Cathiam pakhat a si ve ruangah aa porhlawknak nih a temtawn ko rih. A hawipa Christo zong nih cun a chimh len ko nain a zum kho lo ii a hawipa nih cun zeitin tiawk a thei lo ii, a sia a herh tuk fawn ii Pathian bia chim a thiam ngai mi zong a si lem lo mi cu a sawm piak ii cupa cu Petroff ti mi a si. Petroff nih cun Bible cu a vun rel i a chim zia zong a thiam set naloin a chim mi hnihkhat cu Haralan lungchung ahcun a lut thluahmah i cu nih cun Pathian hi a rak um taktak ko ti a langhter. Cu ti cun a mah nih a thilton mi (Experience) cu a vun chim tthan ii Jesuh Kri cu, mi vialte ca-ah mi khamhtu a si ning a chim lio ahcun Haralan nih cun Petroff mithmai cu mei ceu bantuk in a hmuh ii cu nih cun Pathian dawtnak fiangte in a langhter ti kha a hngalh. Cun lungthin dihlak in Pathian a kawl mi pauh nih Pathian cu an hmuh ti cu Petroff nun ning nih cun fiangte in a langhter fawn. Cu ti cun khawruahhar nunthlennak, khamhnak, Jesuh Kri khamhnak cu a tinco ii Petroff zong thlarau lei pa bik (spiritual father) ah a cang lan ve.

Cuhnu thok cun a rian ttuannak ah tha baa tuk tawn ko hmanhselaw a nun cu lunglomhnak le hnagamnak in a khat cang. Cun Jesuh dawtnak le Jesuh konglam theih fian chin lengmang a duh caah Petroff sin ahcun a va um ii midang zong nih cun an va fuh ve tawn hna. Ci tic un an karh chin leng mang i a tthawntg ngai mi Khrifa bu an dirh colh. Febuary 1929 ah Petroff nih cun “Haralan, Pathian nih a rian ttuan dingin an duh i na liang cung rian an khinh cang” ti ah a ti. Haralan zong nih cun cu fiangte in a hngalh khawh ve i cu zan ah cun zan khuadei in thla a cam. Bawipa Pathian, ka nunnak dihlak hi na ta a si bantuk in na rian ttuannak dingah kan pek.” Cu hnu ah cun tukforhnak phun zakip a cungah tlung ko hmanhsehlaw Jesuh keneh zulh cu zeitik hmanh ah ngeihchihnak a ngei ti lo.

Pathian rian ttuan ding cun Kri ralkap a si i vawlei ralkap zong training an kai hmasa bantuk in a nih zong cu Pathian bia biatak tein training kai hmasat a herh ti cu a theih i cu ti cun mirang ram, Bible sianginn, Bible institutes in Danzing , England timi ah cun a kai. Cun cu hmun sianginn i a dih hnu ah cun cu sianginn i a cawng ve mi Ruth Sweden nu he an i um. Ruth cu Pathian a duh ngaingai mi le minung sinak hrimhrim zong ah mi fel ngaingai a si. Cuticun Haralan cu Bawipa nih a pekmi a nupi Ruth he cun Bulgaria ah Pathian rianttuan hram cu an thok cawlh i Pastor a si ko nain Evangelist rian zong a kemh chih dih i Pathian thawngttha chim in khuate lei zong ke in a vak tawn. Pathian thawngttha nih khuaruahhar tthawnnak, thiltikhawhnak a pek i amah thawngin mi tampi nih khamhnak an tin co. Cuticun kum hleiruk pastor rian a ttuan hnu ah an tlaih hi a si.

Be the first to comment

Leave a Reply

Your email address will not be published.


*