Pathian theilo mi hna nih nunnak an neih ning Part-1

Haralan Popov hi a chuahnak khua cu Krasno Gradiste Bulgaria ah a si i an unau rual hi pa pathum le nu pakhat an si . Chungkhar sifaak ngaimi an si i kedanh pum (shoe) zong kum hleisarih a si hnu lawngah a ngeih khawh. Sihmanhsehlaw, cathiam ngaingai mi a si. Cun Pathian um zong a zumlo (atheist) an timi chungkhar an si fawn. Cun sianginn lei i a ca cawn a dih hnuah Bulgaria i khuapi ngaimi Ruse khua ah cozah rian kawl dingin a kal i cu khua ah cun hawi ttha ngaimi a ngei i a hawipa cu Christo a si. Rian cu a hmu kho zawzawk lo i cu ti cun a hawipa he an umnak cu Baptist biakinn pawngte ah a si. Ni khat cu a hawipa nih cun Biakinn pumh cu a sawm. Pathian um, a zumlo mi bak a si ko nain a hawipa bia al a duh lo ruangah cun pumh cu aa thawh ve.

Cuahcun Orthodox Khrihfabu um tuning cu a theih pah ko nain Baptist Khrihfabu um tuning cu zeihmanh a thei bal lo i an von i pumh cun a khuaruah a har cawlh. Orthodox Khrihfa he aa dang
tuk ti cu fiangte in a hmuh i a theih. Pathian thangtthatnak hla cu an von sa. Pathian thangtthatnak hla cu voikhat hmanh a sa balmi a si lo nain a hawipa Christo hla bu zoh bu le a hawipa aw zulh cun tlawmpal tete in a sak ve. Cu hla cauk chung i an sakmi hla bia cu a ttha a ti tuk hringhran i a khuaruah a har chin lengmang, cu Biakinn chung ah cun ttihzah awktlak mi tampi a hmuh hna.

Anih i a rak ruah tawnning ah cun, Khrihfa mi cu mi sifak, santlai lo le cathiam lo, mi hrutnga deuh mi lawngte si ding ah a ruah. Sihmanhsehlaw a ruahning bantuk cun a rak si naisai lo i a ar ko. Cun pumh cu a von chuak i nungak pahnih cathiam sang ngaimi he an bia an i ruah i annih nih cun Pathian kong cu an thiam tawk in an chimh ko nain a zum taktak kho hlei rih lo.

Be the first to comment

Leave a Reply

Your email address will not be published.


*