Pathian rian tuan tu

Kan i dawtnak hi lungthin taktak in si awk a si. Thil tthalo kha hua hna u law thil ttha kha i tlaih peng hna u. Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u.

Fak piin rian ttuan u, nan thathu hlah u. Bawipa cu nan lungthin taktak tein a rian ttuan u. Nan i ruahchanmi thawng khan nan tha nuam ko u; harnak nan in tikah lungsau thinfual in um u law thla cam zungzal u. Nan u nan nau a si a fakmi kha nan thil hrawm hna u law khual kha tluninn onh hna u.

Nanmah an hremtu hna kha Pathian sinah thluachuah halpiak hna u; asi thluachuahnak kha halpiak hna u, chiatserhnak si loin. Aa lawmmi sinah vaa lawm ve u, a ttapmi sinah va ttap ve u. Pakhat le pakhat nan zawn i ruat dih u. Lungpuam in um hlah u, rian hme tete ttuan duhnak lungthin kha ngei u. Ka fim tiah vaa ruat hlah u.

Mi lunglawm

Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si. A ttap a hrammi cu lunglawmmi nan va si dah! Nan va si dah! Pathian nih an hnemh hna lai. Nun a nemmi cu lunglawmmi nan va si dah! Pathian nih an kamhmi hna kha nan co lai. Pathian duhnak tuah kha nan duhnak ngan bik i a chiami cu lunglawmmi nan va si dah! Pathian nih nan duhnak cu a tlinter lai.

Midang cungah zaangfahnak a ngeimi cu lunglawmmi nan va di dah! Pathian nih an zaangfah hna lai. Lungthin a thiangmi cu lunglawmmi nan va si dah! Pathian kha nan hmuh lai. Mi le mi karah remnak a sertu cu lunglawmmi nan va si dah! Pathian nih, ka fa, tiah an ti hna lai. Pathian nih tuah u, a timi tuah ruangah hremnak a ingmi cu lunglawmmi nan va si dah! Vancung Pennak cu nanmah ta si.

“Nannih cu ka zultu nan si ruangah mi nih an in nihsawh hna i an in hrem hna i lih a phunphun an in puh hna tikah, nan caah lunglawmh awk a va si dah! Nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu,” tiah a ti.

Be the first to comment

Leave a Reply

Your email address will not be published.


*