Confucius tuanbia Part-3

An nu pawl hna zong an lawmhter hna pinah mizapi zong zumhtlak an si hna. Mikip nih Confucius cu a tangthat Confucius nih fakpi in ram hruaining a that khawh nakhnga hma a lak. Mi sifak hna cu dirhmun tha ah a chiah hna i mizapi hna cu an tuan khawh tawk ding cio in rian a pek hna. Thil man a sining tawk in a khiahpiak hna.

Ramchung i ngunkhuai (Tax) an cawitermi hna cu ram thancho nakding caah felte in a lak i a hman. Khuakhat le khaukhar kar lam hna cu thate in a ser hna. Mirum le misifak hna cu ai ruangte in a zoh hna caah mizapi cu lawmhnak in an khat.

Asinain mirum pawl mahkarkalak huih lawng a ruatmi hna nih cun Confucius cu an duh lo i an thangthat ngai ve. A riantuannak i lam a dawntu pawl hna cu hmaizahnak um loin an bia a ceih hna. Hlanlio i a rak zamnak an ram innpa khua i an bawi Ts’i bawipa nih a ram innpa mithmuh bak in a thangmi ram an si cu a lung a tha hrimhrim lo. A khuami hna le a miphun hna nih Lu pennak ram a thanchoning a cah tukmi nih hmailei ah a kan doh lai ti zong an rak phang fawn.

Kum-13 chung a vaih hnu ah Lu bawipa cu a thi i a fapa cu ramuk bawi ah a hung thu ve. Ramuk bawipa nih a ngeihmi ralkap le bawi (general) pakhat nih raltuk lei i a thiamnak cu Confucius sinak ka cawnmi a si tiin a bawipa cu a chimh. Ramuk bawi Lu fapa nih Confucius cu riantuanti dingah a sawm than.

Asinain Confucius cu kum-70 leng tar a si cang. Ramuknak kongah thluaklei in siseh thazaang lei in siseh a tuan kho tuk ding a si ti lo. Lu bawi sin in a kir hnu ahhin kum-5 hrawng cu a nung rih nain mah caan cu catialnak le ca chimhnak in a caan a hman deuh. A thih lai hrawng ah Fur le Thal timi cauk a chuah i mah cucu amah pumpak Confucius nih a tial i chuahmi a si. Mah cauk hi kum-240 chung thil sining tialmi cauk a si. Confucius cu mithiam le misang si ko hmanhsehlaw a tuanbia thate in tial a si lem loh..

The End

Be the first to comment

Leave a Reply

Your email address will not be published.


*