Confucius tuanbia Part-1

Kan bawipa Jesuh Khrihhuah hlan B.C.(550) a luancia ah khan Tuluk ram uk bawi nih a penmi ram then pakhat Luan ti mi khua ah vawlei ah minthang a min a cuai in a duai ti lo dingmi Confucius cu a rak chuak. Confucius a chan lioah Tuluk ram hi a buai cingling liopi a rak si. Shang bawi chungkhar milian takmi Tuluk ram kum thong leng a rak pen hna hnu B.C.(1125) khan a pennak a dih. A penmi ram hna cu ramthen tete, then nga ah an i then hna. Mah cu ramthen chung lakah Lu cu ramthen pakhat a si. ‘Lu ramuk bawi tamthen cu a tuchan ah Shantung Province nih a ngeihmi ramthen pakhat a si.

Confucius a chuahnak konglam he pehtlai in tuanbia bantukin chim relmi a tam ngai. Confucius apa Shuh Liang Hei nih fanu zeimaw zat a ngeih hna. Rocotu ding fapa a ngeih lo ruangah fapa ngeih a duh ngaingai. Cu ticun kum 70 a si hnu ah nupi dang a ngei than. Cu a nupi nih cun fapa a hrinpiak.

A vapa nih fapa ngeih a duh tuk ruangah Ching tsai cu fapa a ngeih khawh nakhnga thla a cam. Raithawinak hna a tuah tawn. Cu ticun a mang ah Pathian nih fapa na ngeih lai i amah cu mifim, mi nih tihzahmi a si lai. Cu naute cu Thingkhuahhmung kung a kuami ah na hrin lai tiah a chimh. Shuh Liang Hei nih cun a nupi nih larnak a hmuh bantukin Tlang lungkua pakhat cu a nupi umnak caah a serpiak. Cu hmun cu Thingkhuahhmung a kuami ti’n min a sak.

Naute a chuah lio ah Dragon le khuachia an rak ra i, Lungkua innkhar an ven piak hna i thilnu hna an phulh. Cu lioah Ching tsai nih ringawn ngaih nuam ngaimi le thlacam tawng a theih hna.

Be the first to comment

Leave a Reply

Your email address will not be published.


*