China ram Communist Party nih Xi Jinping cu caan saupi China uktu a si khawhnak ding caah phunglam thlen an timh

China ram Communist Party nih Xi Jinping cu caan saupi China uktu a si khawhnak ding caah phunglam thlen an timh. An thlen ahcun Xi Jinping hi a nunchung China uktu ai cang kho mi a si. Atu lio an phung ning ah cun China president hi kum 10 cung tuan khawh a si lo. Nain atu cu Communist Party nih kum 10 tiang lawng tuan khawh a si timi phung hi thah an timh.

March 5 ah China ram chung ramkhel hruaitu pawl an i tong lai i hi tonnak ah president kum 10 lawng tuan khawh a si timi thlen an timh. China rammi a lungtling lomi an tampi an lungtlin lonak zong an langhter.

Phung an thlen taktak ahcun China ram a buai lai tiah an ti. President Xi Jinping hi 2023 ah a caan a dih ding a si nain mipi nih an uar ngai caah 2023 hnu lei zong China uk rih a timh lai tiah tampi nih an ruah.

Be the first to comment

Leave a Reply

Your email address will not be published.


*