Aristotle tuanbia Part-1

Greek mifim le mithiam minthang Aristotle cu B.C (384) kum khan Agen tipi kam, Stagira timi khua ah a rak chuak. Apa cu Nichomachus a si i, ngandamnak siilei a thiam taktakmi sibawi minthang pakhat a si. Voikhat le bang cu Alexander nih apu Makedonia ram ukbawi Amyntus II caah sibawi rian an rak tuantermi a si. Cuti Mekedonia bawi chungkhar he pehtlaihnak ang ngeihnak thawngin Aristotle a nunnak ah santlaihnak thukpi a rak ngei.

Plato sianginn in cacawn hram ai thawk. Aristotle cu thiamnak a ngeimi a si caah Plato zong nih a conglawmh ngaingai. Plato a thih hnu ah Aristotle cu sianginn in a chuak ve. A hawipa Hermias he Atarneus ah an um. Harmias a farnu cu nupi caah Aristotle nih a thit. Aristotle mi khuaruah a sinak le a fimnak theih khawh a sinak a hmasabik cu Plato a thlanchung ah ca a tialmi le a bawipa Harmais Persian pawl nih an tlaih i an nawn tikah a lung a fak tuk i biazai (Poem) a phan hna nakin a si.

Aristotle cu rilikam a um lio ahhin thilnung hna an sining hngalh khawhnak dingah cuka ah cun cawnnak a ngei i, cu pinah thil dangdang zong cawn chih fawn hna. Cu ti’n caan a hman lioah Macedonia bawipa Philip nih a fapa Alexander cawnpiak dingin a kawh/auh. Philip caah a lawmman a rak kuat. Cu a kuatmi ah capelte a tial chih, ‘Fapa ka ngeih caah kai lawm i pathian hna cung zongah kai lawm. Cu hlei ah na caan liote i a chuah hi kai lawmh khunnak a si. Nangmah nih na cawnpiak ahcun ka bawi thudan hmun rawlhtu ding mifim le mitlang ah ai chuah ko lai, “ti hi a si. Artitotle zong nih Alexander a chuah ahhin ka cawnpiak lai tiah biakamnak a rak pek ve hna.

Philip bawi nih Aristotle cu amah tein cawnnak sianginn dirh dingah nawl a pek.

Be the first to comment

Leave a Reply

Your email address will not be published.


*