Alexander The Great Part-1

Vawleicung minung lak ahhin ‘The Great’ (mi roling) timi hi tlawmte lawng an um. Cu hna lak hmanhah cun Alexander hi minih theihbikmi a si rih fawn. Mi roling pawl hna hi thiamnak dangdang a ngeimi an si hna. Alexander cu ralkap General a si. A chanlio vawlei sining he zoh ah cun Alexander cu mi roling ti lo awk a tha hrimhrim lo.

Alexander cu B.C. 356 ah Macedonia ramuk bawi Philip nih a nupi Olympias he fapa an ngeihmi a si. Arfi cawlcangh ning zoh thiam (astrologer) pakhat nih cun na fapa hi raltuk ah ahomanh nih tei khawh lomi a si lai tiah ramuk bawi Philip cu a rak chimh. A chimh baktukin Alexander cu a si taktak.

Nikhat cu Rang hrem lomi Raangtum tha taktak mi Bucephalus ti’n min an sakmi cu Philip an zawrh. Rang cit a thiammi hna nih i cit dingin an van terh len cio. Ahohmanh nih an i cit kho lo. Cu lioah hngakchia Alexander nih Rangtum cu a chak in a tlaih. Rangum nih a thlapale a hmuh lo nakhnga le a tihlonak dingah van a cauter i, Nika a zohter pah in a muaitam hnu ah Alexander nih ai cit diam ko.

Philip zong nih a fapa cu ai uang ngaingai, “Ka fapa Macedonia hi na caah a fa tuk i, nai zat tawk ding na uk ding ram pawl na kawl lai,”tiah a ti. Mah bia hi a pa nih a chimh bangin a tling tak tak. Mah cu hnu thawk in Alexander kum 20 a si hnu ah Greek rammi cu amah nawlngeihnak tangah a chiah hna hnu ah Persia ramuk bawi ram hna cu amah uknak tang ah a chiah than hna. Khuachak leiah cun ram a kauh lengmang i, Izip ram le India ram tiangin a lak dih hna.

Mithiang Paul nih cun Gamaliel hram i a thang lianmi a si cu ai uangthlar ngai bantukin Alexander zong hi cachimtu minthang Aristotle pawngte ah a thangmi a rak si ve.

Be the first to comment

Leave a Reply

Your email address will not be published.


*