Alexander The Great Part-2

Aristotle minthang Aristotle pawngte ah a thangmi a rak si ve. Aristotle nih Alexander cu vawlei cungah mi roling si dingin a tuaktan ruangah thate in a rak cawnpiak. Cu caah teitu minthang hruaitu tha ah a chuahter. Alexander nih nunning ziaza thate in a ngei i, cu lak i pakhat cu riantuannak kongah riantuannak tha a ngeimi paoh cu upatnak a pek tawnmi hna hi a si. A rangtum Bucephalus nih cun a thihtak. Caansaupi riantuanti hawile unau bantukin a zohmi a dawttuk mi a Rangtum nih a thihtak caah chungkhat rualchan nih an thihtak bantukin Alexander nih a tuar ve.

A Rangtum phihlonak ah khuapi ah khuapi pakhat a tlak i cu khua min ah a Rangtum min chuankhan in ‘Bucephalia’ tiah min a sak ve. Alexander cu miteitu menmen siloin hruaining a thiamtakmi le mifim tling taktak a si. Vawlei dihlak hi ram pakhat a ser dih a timh. A lakmi ram hna cu zalonnak kaupi a serpiak hna. Cu pinah Greek fimnak le thiamnak cu mizapi lak khawh dingin a cawnpiak hna. Kum-13 chung lawng a hruai hna i, kum-33 minote a si lioah a nunnak a liam.

B.C 336 ah ramuk bawi a pa Philip cu thah a si i, mah hi a thihnak ahhin a fapa Alexander hi ai tel ve iah an ruah. A sinain, Alexander hi a thattu ah ai tel ve tiah tehte  pakhat hmanh an hmu kho lo. Philip hi thilti kho thil tuak tan a thiammi a si ko nain a inn chungkhar ah buainak a chuak. Alexander a nu Olympias cu a then i, Macedonia nungak Cleopatra an timi a thit. Mo an lawmh lioah cun buainak a rak chuak.

Zu an ri dih hna i Celopatra nih a pate (uncle) nih milian pawl hna sinah,”Bawi thutdan ah a thu dingmi bawi a chuah khawh nakhnga Greek pathian hna cu hal hna usih,”tiah a ti hna. Cu lioah cun Alexander cu a thinhung tuk i zu dur lianpi ai cawk zau i, thuk dingin a dir awnh. Philip cu zu a rit tuk caah thate in a dir kho lo na bupi cun a fapa Alexander cu a ngun nam in sam a timh.

Be the first to comment

Leave a Reply

Your email address will not be published.


*