AC Milan Manager thar Guttuso

Player thar ngei hmanh hna sehlaw results tha an hmuh khawh loh caah AC Milan nih cun an Manager Vincenzo Montella cu a rian in an phuah. Milan player a rak si cang mi Gennaro Gattuso chu Milan nih First Team zohkhenh ding in an ruat.

Tu Season Serie A ah Milan nih hin Point 20 hmu in Pasarih nak ah an um. Pakhat nak ah a um mi Napoli cu Point 18 bak in an phak lo. Pathian ni ah khan Torino he goal um lo in an i tluk ve ve. Cu ruang ah Milan nih an Manger a rian in an phuah hi a si.

Gattuso nih hin AC Milan Youth Team a zohkhenh i, first team zohkhenh ding in Milan nih an ruat. Kum 39 mi Midfielder si tawn Gattuso nih hin 1999 le kum 2003 kar ah khan Milan caah a chiuh tawn. Serie A title le Champion League title vawi hnih a cawipi cang.

Nikum April thla ah khan Milan hi China Businessmen Li Yonghong nih cun a cawk i, Summer Transfer ah khan $205m  player thar cawk nak ah an hman.

Be the first to comment

Leave a Reply

Your email address will not be published.


*