Abraham Lincoln

Abraham Lincoln cu February 12 1809 kum ah Hodgenville,Kentucky ah a chuak.Abraham Lincoln le a chungkhar nih cun harsatnak tampi an ton cucaah pawcawmnak le fimcawnnak leiah harnak an tong ngaingai.1816 kum ah Abraham Lincoln te chungkhar cu Indianapolis ah an i thial.Abraham Lincoln nih cun lo ah rian a tuan pah in fimthaimnak hi biapi ah a chiah i canntha a hmuh paoh cawnnak ah a hman zungzal.November 4 1842 ah Mary Todd he an i ngei.Mary cu mirum chungkhar Kentucky mi a si i annih cu minung sal ngei mi an si.Abraham Lincoln le Mary Todd nih fapa Robert Todd,Edward Baker,William Wallace le Thomas Tad an ngeih hna.

Kum 1846 ah Abraham Lincoln nih United States House of Representatives ah ai zuam i tei naak a hmuh. U.S le Mexican raal (1846-1848) ah a rak thomi dohnak thawngin midang nih an hngalh.Mah hi ral a doh nak cu Abraham Lincoln nih sal zuat nak karh ding a hmuh caah a si. Mah hi ral a thawknak cu Republic of Texas kha U.S state chung ah an rak luhnak in a si.

Kum 1856 ah Abraham Lincoln cu Senate caah ai pe nain a sung. Kumhnih hnu ah Senate thutnak caah Stephan A. Douglas a zuam than sihmanhsehlaw a sung than. Kum 1860 ah U.S President thimnak caah Republican in ai zuam nain thlanglei minung pawl nih sal zuat nak kong ah ruahnak a ngeih mi ruang ah an duh loh. A donghnak ah party nominee caah ai zuam hawi i Hannibal Hamlin he thim an si. Avoi 16 nak ah U.S.A President caah Douglas,John Bell,John C. Breckinridge a tei hna hnu ah thim a si.

Abraham Lincoln cu U.S.A President caah an thim thannaak nih United State hmailei miphun sining a thlen ko nain khatlei ah John Wilkes Booth timi pa cu Abraham Lincoln cungah a thinhung tuk i Abraham Lincoln cu tlaih le thah dingah timhtuahnak a ngei. 14 April 1865 Robert E. Lee nih ralbawi Grant sinah apnak a ngei hnu ah Abraham Lincoln cu ‘America rammi ka chung timi cawlcanghnak zoh nuam an tuahmi zoh ah Washington khua ah a ummi Ford Basisikup ah a kal ve.

John Wilkes Booth cu  cuka Baisakup zung ah cun a va lut ve i Abraham Lincoln cu Pistol in a kah. A thaizing 7:22 a.m ah Abraham Lincoln cu a nunnak a liam. Hi lioah Abraham Lincoln cu kum-56 a si.President Abraham Lincoln thil tuahmi lakah a tlamtlin bik in ruahmi le pommi cu America ram in a chuakmi Union ah an luh dih thanmi le sal pawl nih luatnak an hmuh hi a si.

 

Be the first to comment

Leave a Reply

Your email address will not be published.


*